تختلف التيارات بس تبقى الكويت اولا..

تختلف التيارات بس تبقى الكويت اولا..

هذا المفروض شعار تياراتنا الله اهداهم ..

لكل شخص تفكيره وميوله سواء كانت ليبراليه ام اسلاميه ...

يتمنى أن يكون تياره هو الافضل.. تياره هو المؤثر ...تياره هو المشرع والمنفذ ل

كن مانراه في دولتنا الحبيبه عكس ذلك

الي صاير بالكويت أن

لكل تيار اجنده ولكل فرد بالتيار اجندته الخاصه

انا ما اشكك بوطنيتهم بس ...

هذا الواقع مصالحهم الخاصه قبل الوطن والشعب ...

ايهمهم أن افكارهم تطبق

بما اني ليبراليه التفكير والتوجه لكني اميل الى التحفظ في بعض المواضيع

الا اني اعتب على هالتيار بأمور كثيره ..

يعني يا اخواني انتوا شديتوا همتكم وكافحتوا ..

لاتضعفون واتخلون الغير ينقد عليكم انشاءالله المجلس كله اسلاميين وبس4 ليبراليين خلوكم اييد وحده والله اتحقيقون

دام الشارع وشباب الكويت وياكم ...

الي صار بأول جلسه

موضوع اختيار نائب الرئيس كان صدمه بالنسبه لي ليش صار جذي مااردري

المفروض اتكونون اييد وحده جدام الكل

وبالنسبه للتيار الاسلامي لو بنتقدهم من اليوم لي باجر ماراح اخلص

باختصار

يبون يقلبون كويتنا ديره يحكمها حد السيف ديره يحكمها الدين دون القانون ...

شنو يعني لو دش ستارأكاديمي الكويت كااا دشوا من قبل وما انقلبت الدنيا ...

شنو يعني موظفين وموظفات ابنفس المكتب من عمر الدنيا جذي حالنا ...

شنو يعني اختلاط بالجامعه كا ابهاتنا وامهاتنا ادرسوا مختلط اشوف ما انحرفوا..

الي مايدري ...

انا اقولكم ..

تدرون شنو سوووا...

لجنه تنظم السلوكيات و الضوابط الشرعيه بالشارع الكويتي يعني بقولون "أمر بالمعروف والنهي عن المنكر الي بسعوديه "

بس بشكل غير مباشر ..

.يابابا احنا محنى اغبياء ولا امدمغين ...

من متى ناس تحتاج احد يضبط تصرفاتنا ....

من متى نحتاج احد افهمنا الصح والغلط ...

مافي شي اسمه دستور ..

دستوري كفلي حريتي ...