اكثر مكان احس في بالاهتمام و الراحه
اهو الصالون
تحسون بهدوء وراحه واستجمام
من حمام مغربي من مساج و باديكير و غيرها من سوالف
تشربون القهوه و اتمزجون مع اصوات الموسيقى الهاديه
لاااااااا وفوق كل هذا سمعوا السوالف الي اتصير حوالي
بقولكم جم سالفه
السالفه الاولى:
--------------
مره كنت قاعده بالصالون
والا الاحظ وحده من بعيد قاعده اطالعني
عيوز متكمكمه بعبايتها و القذله طالعه
وحاطه جنطة الLV بحظنها
قلت عادي خو بالصالون خزني و اخزك
ما عطيتها وي
اشوي شوي دنت صوبي
جان اتقولي اشلونج وشخبارج و مابقى احد ما اسئلت عنه لوعت جبدي
بس مره عوده شقولها
المهم جان اتقولي متزوجه قلت لها لاء ( هذي سالفه قديمه اشوي قبل ما اتزوج)
جان اتقولي انتي من بنته ومنو امج ومنو خوالج ومنو نسايبكم
و اسئله واايد
جان اقولها خالتي اشتامرين في
قالت انا خطابه بس حق الناس الكلاس هاااا تبين ادورلج واحد
@@!!!
اصدمتني
قلت لها لا تسلمين نصيبي اييني ماله داعي
لفت ويهااا جان اتقول اكيد اتحبينامبييه انتي شكو
حقرتها وعطيتها طاف
والا اشوفهااا دنت يم بنت يمي
ياكثرهم هالاشكال
السالفه الثانيه:
------------
عيوووووووووووز لابسه ذا البدي الضيج و التنوره القصيره والجنطه الشانيل الي اتهبل
قاعده تتكلم بالتلفون
سمعواا
الووووووووو فلان انت وينك مالك خبر ولا بينه
ذاك اليوم رحنا انا و فلانه الصالحيه والا اشوف اخوك من بعيييد ياحلوه كبر
مايبييي عرووووووس و تعطيكم الضحكه الشقاقيه
كككككككككككككككككككككككككككككككككككك
شوف السفره اليايه ييب مرتك و انا اييب ريلي خلنا قرووب
اطلعت الاخت فريييييييي على الاخر
السالفه الثالثه
------------
وحده عبايه و نقاب شغل محترم
اقعدت
جان تفصخ الحجاب
والا شنوووو
@@
شعرهاااااا بووووووووي اصفر بابيض
حده حده مولايق
وتبي اتوقف شعرهاااا
امبيه حده شي غريب
السالفه الرابعه
-----------
ثنتين رفيجات
نظام ترينينق و التيجان الريش
طبعا اعمارهم ما تتعدى الـ16
اقعدوووا
جان اسولفون
الاولى : امبيه مادق علي امس
الثانيه : خليييه اولي
الاولى : احبه
الثانيه: شكو اتحبينه صارلج معاه سبوووع شالي حببج فيه
الاولى : اشتبين انتي شفتي سيارته مو اقل من 70 الف ( يمكن لمرجيني)
الثانيه : اي شي يامعوده شكله عقيدي
والاولى تقنع الثانيه طبعا سوالفهم تافهه كلها عن شباب بس شنو الي امينني انهم صغار :(
و السوالف ما اتخلص
هناك ٤ تعليقات:
هل ايام كل مايشوفون بنت اله خطوبها
وين المخزون حق المستقبل ;p
لوول جان ضيعتي وقتج وقزرتي على الخطابة قوليلها ابي واحد شعره كيت كيت و طوله هالكثر
لما تحس انج قاعد تقزرينه عاد اهيه اول ردي تروح
يحليلهم هذيلا الي عمرهم 16
احس قاصين على روحهم
لووول
والله على هالسوالف يتراوالي ان الصالون مو مال راحه واسترخاء يا وخيتي سوالفهم مريضه
الله يخلي حسين الباكستاني تروحله ويحلقك ومساج وكله وانت مرتاح
:)
ههههههههههه
خوش سوالف تضحك وتحز بالنفس والله سالفة اللمبرجينى ام 70 الف
هذى حبت السيارة مو سايق السيارة هههه
شكرا حبوبة
وبس
بابل
انا اقول غيري الصالون احسن لج
إرسال تعليق