Congratulations ENG

انا وايد فخوره

اختي و اخيرا

تخرجت و صارت مهندسه :)

عاد ذاك اليوم رحنا معرضهم

الاجواء حلوه

التفافيخ اتشوق

مشروعهم كان صيدلية بالانترنت

وما شاء الله بدعوا و فازوا احسن مشروع

بالنسبه حق هندسة الكمبيوتر

منها للاعلا يا رب

اشرايكم باللوك :)

قرقيعان فصولي ...حبيب ماما

اشلونكم ياحلوين

ادري الموضوع لازم انزله من زمان

بس شنسوي تجهيز حق العيد و الابتوب موراضي انزل الصور

لووووووووووويه بس الحمد لله خضع لارادتي و نزلوا

الله اسلمكم ماكنت ناويه اسوي قرقيعان لان فصولي اسمله عليه ماكمل الشهرين حزت القرقيعان و قلت يالله السنه اليايه

بس بعد التفكير و التحميص ...أهم شي التحميص

قررت اسوي

عاد قلت من وين اخذ

وبعد الفر و الحوسه استقريت على Rebelle وكان خوش قرقيعان عندهم

و فكرت هالنقطه شلبسه لقيت وحده اتفصل الصديريات و كان حده واااو

نرجع على القرقيعان

هذا القرقيعان قبل ما اضبطه و احطه داخل جياس

اشكال وايد و هذي صوره اقرب

و جذي شكلها اقرب
شي funny و غريب وذرب بنفس الوقت

بعد ها وزعنهم على جياس وحطيت سولوفان ملون معطي شكل

و بالنسبه حق اليهال سويت اشكال بالوان وايد
صنع ايديني

وهذا و غيره في الوان

وجذي اشكالهم بالجيس اشوقون موو

هالقرقيعان ماتم الا بفضل الله ثم بفضل توئم روحي

ثانكس تحملتني وايد

احبك

و
و سامحوني على التاخير يالله كل واحد امد ايده و يخمطله قرقيعان

ملاحظه :

مبروووك الزواج شاي الضحى

My BaBy Reception

مبارك عليكم الشهر و عساكم من العايدين يارب

سامحوني غطيت عليكم فتره شنسوي بعد دنيا الله اغربل بليسها

اليوم حبيت اشاركم فرحتي باستقبال وليدي فيصل اسمله عليه

قلت تستاهلون اتشوفون لاستقبال

بسم الله نبدي

اولا الاستقبال كان برويال حياة بقاعة جاسمين

فديت بوولدي الغالي ماقصر علي بشي ...ثانكس

يالله ندخل داخل

هذا المنظر العام عند الباب حياكم

الي على اليمين هذي الـgift حق الناس

هذي صوره اقرب شي بسيط وراقي هذا كان هدفي

وهذي دلة القهوه مع الفناييل للاسف ماصورت الشاي وكان انواع احمر و تفاح و اخضر و هم العصير كان انواع

هذا الحلووو بسم الله تفضلووووا هني و عافيه

هني الديكور من قريب

دخلنا الصاله الي يقعدون فيها الضيوف

الفراش ..اذا لاحضتوا الـtheme بنفسجي باخضر و عنب

الورد على كل الطاولات

جذي الشكله من جدااام ولو لاحضتوا ما حطيت ورد يمي

حطينا ابجورات اشرايكم
هذا الشغل كله تصميم المصممه الغنيه عن التعريف نبيله القندي
يعطيها العافيه
اصبرت علي ليما ولدت

ثانكس حق كلمن تحملني
ثانكس حبيبي
ثانكس اهلي
ثانكس رفيجاتي

اشوفكم على خير

Am NeW MOM

الحمد لله على تمام النعمه و اكتمال المنه

رزقنا الله بأحلى ولد ولله الحمدمن قبل

و من بعد ...

والله و صرت أم يحليلي

happy birthday حبيبي

كل عام و انت بخير

عقبال الف سنه يارب

اشرايك بالكيكه :)

( ترا الكيكه ماخذه صورتها من النت لا اتقولون بعد)

اليوم عيد ميلاد ريلي

ماادري شقولك و شعبرلك

ياليت الهدايا تقدر اتوصل احساسي لك بس ياليت

كل شي اسويه مايوصل جدام حبك ووفاءك وحنانك لي

عسى ربي اخليك لي

أحبك

....

قبل جم يوم خططت اني اشتري هديه بدون مايحس

ششتري ششتري

ياربي الشباب ماتدرين شحبون

وريلي انسوا لو تسالونه اقول

بعد التخطيط و التمحيص قررت

اني اشتري 3 هدايا

مع اني نويت الرابعه بس قلت هااا عن الينون

اول هديه

______

polo shirt من burberry

وحده بيج نفس الصوره و الثانيه غولتها عكس كحليه

ثاني هديه

---------

ساعه Armani

ثالث هديه


------


i phone 3Gs 32 G

ليلحين حلوين موو :)

اسولفاكم بعدين عن الاحداث ورده فعله :)
باي

happy birthday ana :)

happy birthday ana :)
كملت 24 واااي كبرت

ShaYmoOoNA HoneY MooN

مبارك عليكم الشهر احبائي المدونين

ادري طولت عليكم مره ثانيه

عشان جذي قلت بحط موضوع

عن ردتي من شهر العسل

:)

كانت الرحله الي ريفيرا الفرنسية

اي الريف الفرنسي و بالتحديد الى NICE

على الخطوط الاماراتيه

بتاريخ 10-8-2009 يوم الاثنين الفجر

الي تاريخ 18-8-2009 يوم الثلاثه الفجر

ادري قصير بس هذي العطله الي قدرنا انحصلها

بسم الله نبلش

رحنا الفير مطار الكويت دخلنا الجناط و اللويه

بعدها ركبنا الطياره المتجهه الي دبي

بعدها عطونا الريوق الصراحه ماعجبني ذاك الزود بس الكرواسون عجييييييييب

دخلنا الحدود الاماراتيه الجويه

انزلت الطياره بمطار دبي الدولي العجيييييب
خلف الله على مطارنا

ايييييه هذي الجامه الي جابلناها وايد على ماركبنا طيارتنا الثانيه المتوجه حق فرنسا

الله الجو موصج موووو

الوجبه الثانيه برياني دياي هم ماعجبني

الفلم الي صج مليت من كثر ما اشوفه

دخلنا الاجواء الفرنسيهوصلنا المطار بnice خذينا التكسي حق فندق المريديان

هذا الجو اول ما وصلنا صورته بلوبي الفندق

من اليوع رحنا اقرب مطعم شوفوا بيتزتي اتييب المرض مو قزرتها على الشبس

الاجواء الايطاليه العجيبه بس الخدمه مو شي

البحر ويازين البحر عندهم

النورس العجيب بالزور ياله صورته

خذينالنا تمشايه على الخفيف بشارع المطاعم عندهم

رحنا مطعم صيني ماادري تايلندي موطبيعي

احم احم خو لازم انتسوق و الله خذالي حبيبي جنطه من LV موصج تعيش واتييبلي

رحنا الجمعيه وعاد لازم السم الهاري موجود ...زحير

احنا قزرناها بيبسي على نكهات وااااااااايد

البيبسي الذهبي عجيب الكافييين فيه فرييي

شوفوا البحر هذا المنظر كل يوم من البلكونه نشوفه

التفصخ على ودنووووا عيزت اغمض عيون الباشا الي عندي بس عاد كل واحد وضميره ... بس حرام من قلب مومنتبه معاهم

ترا الساعه الحين 8 العصر ماادري المغرب خو الشمس يالله اتغيييب

الجانب الاخر من نيس

القهوه الي يمنا امدحولنا ياها بس مارحنا

بعد يومين من السفر طحت مريضه صخونه و بلاعيم ونشله و سمام و عليه ريلي ابتلش فيني بس مايقصر وقف وياي :)

رحنا مطعم لبناني من قلب عجيييييييب عمري ماكليت اكل لبناني بكثر هاللذه و الاجواء موصج

من قلب تتحسفون اذا مارحتوله

مشويات زبده زبده

اسم المطعم " ياحبيبي " :)

بعدها رحنا الساحه شوفوا التماثيل فوق تتغير لونها

هذي الحديقه اذا عندكم يهال لاتروحولها بليل :/

المحلات قزيناها قز ....ويع شالجمله :@

لسوقه موصج ياحلوه ماركات عجيبه و اصليه عكس ماركاتنا المشكوك فيها

فندقنا بليل

هذا الريوق العجيب بس عاد ما اشبع خو نبي انهبس

في احد الايام سويناها قعده ارضيه صج استانسنا

رحنا مطعم تركي شوارمته موصج عجيبه

هذي عاد غرامي صمونه محشيه لحم بالجبن

اسم المطعم اسكندر كباب

ريوق وحده مريضه مو كليت فواكه بس مع ان ورانا رحله بس المرض اهد الواحد هد

بلشة رحلتنا حق" كان" مدينة السينمااا

هذا الممر الي امرون عليه الفنانين و الفنانات

حسافه ما شفنا احد

دخلنا محل والا فيه مجلات عربيه اللله وناسه

البرد ماله وااااالي لعب لعب

شانيل الكويت وفرنسا نفس الاسعار بس lv احلا و ارخص من الكويت

شرينا جاكيت عجيب من g ferre حق حبيبي موصج

رحنا منطقه ماادري شسمها نسيت

اقولكم هذا سوق اليمعه مالهم ياحلوه

هذا الميناء يعتبر اكبر مينا في اوربا

هذي منطقه هم فوق الجبل

بعدها رحنا نتغدا و شيمونه ليلحين مقزرتها شبس من المرض وعليه

اتصدقون عندهم كارفور

هذا قصر امير موناكو

هذي الكنيسة في موناكو طبعا دخلناها

هذا القصر راقي و حلييييو

كازينوا موناكو السيايير الي عند الباب موصج رولز رايس ..sl..بنتلي و الكثير الكثير

تمثال هذا مثبت بطريقه موصج ماادري شلون

الماركات هناك غاليه بهذي المنطقه بزووود

بس gucci اهناك ماعجبني الناس الي يشتغلون فيه

عطوني نظره ويع

هالسياره ماادري شنو ماركتها بس غريبه مووو!!

هذي جامه عاكسه بس شوفوا اشلون صاير الانعكاس فيها

بعدها رحنا معمل حق العطور ربع غرشه صغيره اتساو ينص عطر شانيل COZ هذا العطر اهوه المنبع

ماراح اشرح شوفوا

هذي الي تشرح لنا مليغه اول ماشافتنا قالت انتوا من وين قلت من الكويت عطتنا نظره جان اتقول مااعرفهااا

@@!!! اوك نعم

بط من صابون

شرينا منهم 6 عطور منها شي لنا ومنها صوغات خو :) ... والله بعد اسعاهم موهينه مع انهم مقاساتهم صغار

هذا بعض سيايير موناكو ...ماك ليرين

لووووووول هذا جنه هندي ريلي الا اصوره :) بو الهند وصل نيس

كاهو من بعيد :)

هذي تكملت السياييير

هم رحنا مطعم صيني العيش موصج ..غيب ريلي على الفلفل عندهم

هذا الصمون الفرنسي عجيييييب

هذا القطار حق موناكو

هذا مجمع اللافاييت موصج كل شي فيه كل الماركات حق الرياييل و الحريم واليهال قاصين علينا بالافينيوز

قهوة لانوتر هناك :)

الحديقه فيها نافوره جميله جدااا

صادف ان عندهم احتفال العاب ناريه والله وناسه

اكتشفنا اخر يوم ان عندهم subway كبير موصج حسافه

هذا كان المختصر المفيد وايد اشياء ماصورتها بسبت المرض

بس لااتحاتون مو الفلونزا الخنزور :)